Խամենեին Թրամփին անվանել է «հանցագործ» և սպառնացել պատժել ցուցարարներին
Իսլամական Հանրապետության գերագույն առաջնորդ այաթոլլա Ալի Խամենեին առաջին անգամ հրապարակավ հայտարարել է, որ «մի քանի հազար» մարդ է զոհվել՝ միջադեպի համար մեղադրելով ցուցարարներին և ԱՄՆ կառավարությանը, ըստ Associated Press-ի։
Իրանական պետական հեռուստատեսությամբ հեռարձակված ելույթում Խամենեին հայտարարե լէ, որ ԱՄՆ նախագահ Դոնալդ Թրամփին համարում է «հանցագործ», որը պատասխանատու է «իրանցի ժողովրդի դեմ զոհերի, վնասների և զրպարտության» համար։ Գերագույն առաջնորդի խոսքով՝ Թրամփը հրահրել է ցուցարարներին, այդ թվում՝ նրանց ռազմական աջակցություն խոստանալով։
Խամենեին նաև հայտարարել է, որ ցուցարարները զինված են եղել ռազմական զենքով, որը, նրա պնդմամբ, եկել է արտասահմանից։ Նա չի նշել, թե որ երկրից են նրանք եկել։
Ավելին, Իրանի գերագույն առաջնորդը ընդգծել է, որ իշխանությունները մտադիր են պատասխանատվության ենթարկել ինչպես ցուցարարներին, այնպես էլ նրանց, ովքեր, ենթադրաբար, ներգրավված են եղել նրանց կազմակերպման գործում։
«Մենք երկիրը պատերազմի չենք տանում։ Բայց մենք չենք ազատում ներքին հանցագործներին. ավելի վատը՝ կան միջազգային հանցագործներ։ Մենք նրանց նույնպես մենակ չենք թողնի», - ասել է Խամենեին։
