Ռուսաստանից ակտիվներ չբռնագրավելու ԵՄ որոշումը հարվածում է Մերցին և ֆոն դեր Լեյենին. FT

Եվրամիության կողմից Ուկրաինային վարկի տրամադրումը եվրոպական հարկատուների միջոցների հաշվին, այլ ոչ թե սառեցված ռուսական ակտիվների օգտագործմամբ, «քաղաքական հարված» է Գերմանիայի կանցլեր Ֆրիդրիխ Մերցի և Եվրահանձնաժողովի նախագահ Ուրսուլա ֆոն դեր Լայենի համար։ Այս մասին գրում է Financial Times-ը։

Ինչպես նշում է պարբերականը, հենց Մերցն ու ֆոն դեր Լայենն էին առաջարկել և պաշտպանել «փոխհատուցման վարկի» հայեցակարգը, ինչպես նաև փորձել էին ճնշում գործադրել Բելգիայի վարչապետ Բարտ դե Վևերի վրա, որպեսզի նա հրաժարվի իր առարկություններից։

Financial Times-ի տվյալներով՝ դեկտեմբերի 18–19-ը կայացած ԵՄ գագաթնաժողովում ռուսական ակտիվների բռնագանձման քննարկման ժամանակ Բելգիան պահանջել է «լայնածավալ երաշխիքներ»՝ հնարավոր ֆինանսական ռիսկերը ծածկելու համար, որոնք կարող էին առաջանալ դատական գործընթացների և Ռուսաստանի կողմից պատասխան քայլերի հետևանքով։ Սա ստիպել է մյուս առաջնորդներին հրաժարվել ակտիվների կոնֆիսկացիայի որոշումից։

Պաշտոնյաների խոսքով՝ Ֆրանսիան և Իտալիան հիմնականում կոչ են արել առաջ քաշել «այլընտրանքային առաջարկ»՝ ԵՄ ընդհանուր բյուջեի օգտագործմամբ։