Այդ դեպքում ԵՄ-ն երեք ամսվա ընթացքում կմտներ պատերազմի ՌԴ-ի հետ. Օրբան

Հունգարիայի վարչապետ Վիկտոր Օրբանը հայտարարել է, որ ռուսական ակտիվների բռնագրավման վերաբերյալ առաջարկի ընդունման դեպքում Եվրամիությունը կդառնար Ռուսաստանի հետ հակամարտության անմիջական կողմ։

Բրյուսելում կայացած ԵՄ գագաթնաժողովի ավարտից հետո լրագրողների հետ զրույցում Օրբանը նշել է, որ տվյալ նախաձեռնությունը լուրջ ռազմական ռիսկեր էր պարունակում։ Նրա խոսքով՝ եթե առաջարկը հաստատվեր, Եվրամիությունը պատերազմին կմիանար ոչ թե տարիների, այլ շատ կարճ ժամանակահատվածում։

«Եթե այդ առաջարկն ընդունվեր, մենք անմիջապես կներգրավվեինք պատերազմի մեջ՝ եթե ոչ երեք օրվա, ապա առնվազն երեք ամսվա ընթացքում։ Մեզ հաջողվեց խուսափել այդ վտանգից, և սա մեծ հաջողություն է»,- հայտարարել է Հունգարիայի վարչապետը։