Իրանը երբեք չի հրաժարվի միջուկային ծրագիր մշակելուց. Արաղչի

Իրանը երբեք չի հրաժարվի խաղաղ նպատակներով միջուկային ծրագիր մշակելու իր օրինական իրավունքից, այդ թվում՝ ուրանի հարստացումից, հայտարարել է արտգործնախարար Աբբաս Արաղչին։

«Իրանի Իսլամական Հանրապետությունը Միջուկային զենքի չտարածման մասին պայմանագրի անդամ է և հավատարիմ է միջուկային զենքի չտարածման ռեժիմին։ Մենք կատարում ենք մեր պարտավորությունները, բայց չենք հրաժարվի այս պայմանագրով նախատեսված մեր իրավունքներից, այդ թվում՝ միջուկային էներգիայի խաղաղ օգտագործման և հարստացման իրավունքից», - ասել է նա ռուս գործընկեր Սերգեյ Լավրովի հետ բանակցություններից հետո տեղի ունեցած մամուլի ասուլիսում։

Արաղչիի խոսքով՝ հունիսին Իրանի միջուկային օբյեկտների վրա ԱՄՆ-ի և Իսրայելի հարձակումները, չնայած վնասեցին շենքերն ու սարքավորումները, չկարողացան ոչնչացնել տեխնոլոգիան։