Նրանց դիմակները պատռվեց․ Վենեսուելան կպատասխան ԱՄՆ-ին․ Մադուրո

Վենեսուելայի նախագահ Նիկոլաս Մադուրոն հրապարակային ելույթի ընթացքում անդրադարձել է ԱՄՆ-ի կողմից նավթային տանկերի վրա հարձակման միջադեպերին։ Նրա խոսքով՝ տեղի ունեցածը ցույց է տալիս ԱՄՆ-ի իրական մոտեցումը Վենեսուելայի նկատմամբ։

Մադուրոն հայտարարել է, որ ամերիկյան կողմի գործողությունները չեն կարող արդարացվել ահաբեկչության կամ թմրանյութերի շրջանառության դեմ պայքարի պատճառաբանություններով։ Նա ընդգծել է, որ միջադեպը, ըստ իր գնահատման, եղել է ապօրինի և հակասել է միջազգային նորմերին։

Վենեսուելայի նախագահի խոսքով՝ առևտրային նավը շրջափակվել է զինվորականների կողմից, անձնակազմը ուժի կիրառմամբ պահվել է վերահսկողության տակ, իսկ նավը դուրս է բերվել իր երթուղուց։ 

«Նրանց դիմակները ամբողջությամբ պատռվեց։ Վենեսուելան խստորեն դատապարտում է այն և կձեռնարկի բոլոր իրավական և դիվանագիտական ​​միջոցները՝ իր նավերը պաշտպանելու և իր նավթի ազատ առևտուրն ապահովելու համար», - նշել է Նիկոլաս Մադուրոն։

Հավելենք՝ ավելի վաղ Սպիտակ տան մամուլի քարտուղար Քերոլին Լևիթը հայտարարել էր, որ Միացյալ Նահանգները պարզապես հետևել է իր պատժամիջոցների օրենքներին՝ Վենեսուելայի ափերի մոտ նավը գրավելիս։