Մենք նրանց հրթիռային զինանոցը շատ կարճ ժամանակում կոչնչացնենք․ Թրամփ
ԱՄՆ նախագահ Դոնալդ Թրամփը նշել է, որ Միացյալ Նահանգները պատրաստ է կրկին հարվածել Իրանին, եթե վերջինս համաձայնության չգա Վաշինգտոնի հետ և շարունակի իր հրթիռային ծրագիրը։ APA-ի փոխանցմամբ՝ այդ մասին նա ասել է Սպիտակ տանը լրագրողների հետ զրույցում։
Թրամփի խոսքով՝ Մերձավոր Արևելքում ներկայիս հարաբերական կայունությունը հնարավոր է դարձել այն բանից հետո, երբ ԱՄՆ զինված ուժերը հարվածել են Իրանի միջուկային օբյեկտներին Ֆորդոու, Նաթանզ և Սպահան քաղաքներում։
Նախագահը նշել է, որ Իրանը կարող է փորձել վերականգնել իր միջուկային ծրագիրը, սակայն այդ գործընթացը երկար ժամանակ կպահանջի։
«Եթե նրանք փորձեն վերականգնել այս ծրագիրը՝ առանց մեզ հետ գործարք կնքելու, մենք այն կրկին կոչնչացնենք։ Մենք ունենք նրանց հրթիռային զինանոցը շատ կարճ ժամանակում ոչնչացնելու կարողություն», – ասել է Թրամփը։
