Ռուսաստանն այդ հարցի վերաբերյալ իր պնդումներն ունի․ Լավրով

Ռուսաստանը պնդում է Ուկրաինայում երկարատև և կայուն խաղաղության համար նախատեսված համաձայնագրերի փաթեթի վրա՝ բոլոր կողմերի համար անվտանգության երաշխիքներով, հայտարարել է Ռուսաստանի արտաքին գործերի նախարար Սերգեյ Լավրովը։ Այս մասին փոխանցում է «Ռիա նովոստի»-ն։

«Մենք պնդում ենք, որ ձեռք բերվի համաձայնագրերի փաթեթ՝ ամուր, կայուն, երկարաժամկետ խաղաղության վերաբերյալ՝ բոլոր ներգրավված երկրների անվտանգության երաշխիքներով։ Եվ մեր բանակցությունները ԱՄՆ նախագահի և նրա թիմի հետ նվիրված են հենց դրան՝ այս ճգնաժամի արմատական ​​պատճառները վերացնելու երկարաժամկետ լուծում գտնելուն», - ասել է Լավրովը Ուկրաինայի շուրջ ստեղծված իրավիճակի կարգավորմանը նվիրված դեսպանների կլոր սեղանի ժամանակ։