Հայտնի է «Տարվա մարդ» ընտրության արդյունքները․ Time

Time ամսագիրը հրապարակել է իր ամենամյա «Տարվա մարդ» ընտրության արդյունքները՝ այդ կարգավիճակը տալով արհեստական ինտելեկտի զարգացման գլխավոր գործիչներին։ Ամսագրի շապիկում ներկայացված են մի շարք խոշոր տեխնոլոգիական ընկերությունների ղեկավարներ, որոնք կարևոր դեր են ունեցել ԻԱ-ի արագ առաջընթացում վերջին տարում։

Հրատարակության շապիկին տեղ են գտել Իլոն Մասկը, Meta-ի ղեկավար Մարկ Ցուկերբերգը, AMD-ի նախագահ Լիզա Սուն, Nvidia-ի ղեկավար Ջենսեն Հուանգը, ինչպես նաեւ OpenAI-ի ղեկավար Սեմ Ալթմանը, DeepMind-ի ղեկավար Դեմիս Հասաբիսը, Anthropic-ի ղեկավար Դարիո Ամոդեյը եւ World Labs սթարթափի հիմնադիր Ֆեյ-Ֆեյ Լին:

Ամսագրի խմբագրությունը նշել է, որ 2025 թվականին արհեստական ինտելեկտի հնարավորություններն առավել ամբողջական տեսքով բացահայտվել են, իսկ ոլորտի առաջնորդները հաստատել են իրենց նշանակալի ազդեցությունը տեխնոլոգիական դաշտի զարգացման վրա։