Պարզվել է՝ ով է Եվրոպայի ամենաազդեցիկ մարդը

Հրապարակվել է Եվրոպայի ազդեցիկ մարդկանց տարեկան ցուցակը, որի առաջին հորիզոնականում այս տարի ԱՄՆ նախագահ Դոնալդ Թրամփն է։ Այս մասին հայտնում է Politico-ն։

Թեև ԱՄՆ նախագահը եվրոպացի չէ, պարբերականը նշել է, որ նրա քաղաքական քայլերն ու հայտարարությունները զգալի ազդեցություն են ունենում եվրոպական գործընթացների վրա՝ ձևավորելով տարածաշրջանի օրակարգի որոշ հատվածներ։

Վարկանիշի հեղինակները ընդգծում են, որ Թրամփը շարունակում է ազդել Եվրոպայի ներքաղաքական և արտաքին քաղաքական դաշտի վրա՝ իր պայմաններով վերաիմաստավորելով մի շարք հարաբերություններ։ Այս գնահատականով նա առաջ է անցել եվրոպական մի շարք ղեկավարներից։

Ցանկում երկրորդ տեղը զբաղեցրել է Դանիայի վարչապետ Մետտե Ֆրեդերիկսենը, իսկ երրորդ հորիզոնականում է հայտնվել Գերմանիայի կանցլեր Ֆրիդրիխ Մերցը։