Հայտնի են՝ ամենախարդախ տաքսու վարորդներ ունեցող երկրները

Աշխարհի տարբեր երկրներ այցելող ճանապարհորդները Reddit հարթակում ակտիվորեն կիսվել են դեպքերով, երբ տաքսիստները գործել են ոչ բարեխղճորեն։ Ինչպես գրում է The Independent-ը, ապահովագրական AllClear ընկերությունը վերլուծել է ավելի քան 450 հրապարակում և շուրջ 30 հազար մեկնաբանություն՝ կազմելով երկրների վարկանշային աղյուսակ, որտեղ նման դեպքերն առավել հաճախ են հանդիպում։

Ցուցակի առաջատարը Թուրքիան է. այն հավաքել է 4 224 մեկնաբանություն, ինչը գրեթե կրկնակի շատ է երկրորդ տեղը զբաղեցրած Հնդկաստանից (2 301): Տասնյակում են նաև Թաիլանդը, Վիետնամը, Եգիպտոսը, Ավստրալիան, Մեքսիկան, Մարոկկոն, ԱՄՆ-ն և Կանադան:

Վարկանիշում ընդհանուր առմամբ 15 երկիր կա, այդ թվում՝ Ֆրանսիան, Կոլումբիան, Ֆիլիպինները, Իտալիան և Նորվեգիան: