ԱՄՆ-ը կենտրոնացած է Ուկրաինայի տնտեսության վերականգնման վրա. Ռուբիո

ԱՄՆ-ը կենտրոնացած է Ուկրաինայի տնտեսական վերականգնման և ապագա զարգացման վրա, ընդգծել է երկրի պետքարտուղար Մարկո Ռուբիոն Fox հեռուստաալիքի եթերում։ Նրա խոսքով՝ Վաշինգտոնը որոնում է այնպիսի լուծումներ, որոնք ոչ միայն կուժեղացնեն Կիևի անվտանգությունը, այլ նաև թույլ կտան երկրին վերականգնել ու զարգացնել տնտեսությունը։

«Այն, ինչ մենք փորձում ենք անել, և, իմ կարծիքով, որոշակի առաջընթաց արդեն կա, հասկանալն է, թե ինչի հետ կարող են համաձայնել ուկրաինացիները՝ ապագայի անվտանգության երաշխիքներ ստանալու համար, որպեսզի նրանք այլևս երբեք չհայտնվեն հարձակման վտանգի տակ։ Դա կօգնի նրանց ոչ միայն վերակառուցել տնտեսությունը, այլև իրական տնտեսական աճ ապահովել»,- նշել է Ռուբիոն։

Նրա գնահատմամբ՝ եթե իրականացվեն ճիշտ քայլեր, ապա առաջիկա տասնամյակում Ուկրաինայի ՀՆԱ-ն տեսականորեն կարող է գերազանցել Ռուսաստանի ցուցանիշները։