Հրաչյա Հակոբյանը ևս չի առաջադրվել խորհրդարանական ընտրություններում
ԱԺ «Քաղաքացիական պայմանագրի» պատգամավոր Հրաչյա Հակոբյանը չի առաջադրվել խորհրդարանական ընտրություններում՝ իշխող կուսակցության համամասնական ցուցակում ընդգրկվելու համար: Այս մասին Auroranews-ին հայտնեց ինքը՝ Հակոբյանը:
Նա հավելեց, որ որևէ լուրջ բան չկա, ուղղակի չի առաջադրվել:
Հիշեցնենք` ավելի վաղ հայտնել էինք, որ ԱԺ «Քաղաքացիական պայմանագրի» պատգամավոր Խաչատուր Սուքիասյանը ևս չի առաջադրվել խորհրդարանական ընտրություններում:
Կուսակցությունն ավելի վաղ հայտնել էր, որ 2026թ․ հերթական խորհրդարանական ընտրություններում ՔՊ-ի համամասնական ցուցակում ընդգրկվելու համար թեկնածուները կարող են ինքնառաջադրվել նոյեմբերի 1-ից նոյեմբերի 30-ը ներառյալ։ Առաջադրվելու դիմումներ կարող են ներկայացնել ոչ միայն կուսակցականներ, այլև անկուսակցականներ, եթե ունեն վարչության կազմից որևէ մեկի երաշխավորագիրը:
