Սի Ծինփինը հանձնարարել է խստացնել վերահսկողությունը բլոգերների և ինտերնետ հարթակների նկատմամբ․ մանրամասներ
ՉԺՀ նախագահ Սի Ծինփինը հանձնարարել է ստեղծել ինտերնետի կառավարման երկարաժամկետ մեխանիզմ և խստացնել վերահսկողությունը բլոգերների ու առցանց հարթակների գործունեության նկատմամբ: Այս մասին հայտնում է Չինաստանի Կենտրոնական հեռուստատեսությունը։
«Անհրաժեշտ է համարձակվել «մերկացնել սուրը» ընդդեմ ցանցային քաոսի, վճռականորեն հարվածներ հասցնել, կտրել շահերի շղթաները և արմատախիլ անել դրանց առաջացման հողը»,- հեռուստատեսությունը մեջբերում է նախագահի խոսքերը։
Պահանջվում է ուժեղացնել վերահսկողությունը ինտերնետ հարթակների, անհատական բլոգերի և MCN-գործակալությունների (ինֆլյուենսերների հաշիվները կառավարող ընկերություններ) նկատմամբ։
Նրանք պարտավոր են կրել սոցիալական պատասխանատվություն և տարածել դրական բովանդակություն։
Սի Ծինփինը նաև նշել է Արհեստական բանականության և մեծ տվյալների զարգացման հետ կապված մարտահրավերները՝ հանձնարարելով կատարելագործել այդ ոլորտում սպառնալիքների դասակարգման և տվյալների պաշտպանության մեխանիզմները։
