Գերմանիայի ռազմաբազաների վրա ռեկորդային թվով ԱԹՍ-ներ են գրանցվել
Գերմանիայում հոկտեմբերին գրանցվել է ռազմական բազաների վրա հայտնաբերված անհայտ դրոնների ամենամեծ քանակը: Այս մասին հայտնել Է Reuters գործակալությունը՝ վկայակոչելով Գերմանիայի ռազմական հետախուզության փոխնախագահ Թորստեն Աքմանին։
Ավելի վաղ դրոնները հաճախ նկատել են բանակի, օդուժի բազաների վրա, ինչպես նաև այն բազաների վրա, որտեղ զորավարժություններ են անցկացվում ուկրաինացի զինվորականները:
Հոկտեմբերի 1-ին Spiegel-ը գրել է, որ անօդաչու թռչող սարքերը, որոնք նկատել են Գերմանիայի Քիլ շրջանում, հավանաբար սլացել են կարևոր օբյեկտների մոտ, ներառյալ էլեկտրակայան, համալսարանական հիվանդանոց և Շլեսվիգ-Հոլշտայն երկրի խորհրդարանի շենք:
Հոկտեմբերի 31 - ին Գերմանիայում ժամանակավորապես դադարեցրել են թռիչքները Բեռլին - Բրանդենբուրգ (BER) օդանավակայանում՝ անօդաչու թռչող սարքի հայտնվելու պատճառով:
2025 թվականի աշնանից Ռուսաստանը պարբերաբար խախտում է ՆԱՏՕ-ի անդամ երկրների օդային տարածքը։ Ռուսական դրոններն ու ինքնաթիռները, ինչպես նաև անհայտ ԱԹՍ-ները պարբերաբար ֆիքսել են Լեհաստանի, Ռումինիայի, Էստոնիայի, Դանիայի, Իսպանիայի, Լատվիայի, Ֆրանսիայի, Գերմանիայի և այլ երկրների տարածքում: Եվրոպական օդանավակայանները պարբերաբար փակվում են ԱԹՍ-ների սպառնալիքների պատճառով։
Հոկտեմբերի 9-ին Եվրախորհրդարանը բանաձև է ընդունել, որով կոչ է արել ԵՄ անդամներին խոցել անօդաչու թռչող սարքեր և ինքնաթիռներ, որոնք անօրինական կերպով խախտում են իրենց օդային տարածքը:
