Նեթանյահուն նշել է, թե երբ կարող է ավարտվել Իսրայելի և Պաղեստինի հակամարտությունը

Իսրայելի եւ պաղեստինյան ՀԱՄԱՍ շարժման հակամարտությունը կարող է շարունակվել մինչեւ 2025թ., ասել է Իսրայելի վարչապետ Բենիամին Նեթանյահուն, տեղեկացրել է The Times of Israel-ը։

Նշվել է, որ Նեթանյահուն հայտարարությունն արել է Գազային սահմանակից շրջանների ներկայացուցիչների հետ հանդիպման ժամանակ, ՑԱԽԱԼ-ի հարավային հրամանատարության շտաբում։ Հանդիպմանը ներկա են եղել նաեւ ուժային այլ կառույցների ներկայացուցիչներ։

Հանդիպման ընթացքում քննարկվել է տարհանված բնակավայրերի բնակիչների հնարավոր վերադարձը։ Իսրայելի վարչապետը ընդգծել է, որ պատրաստ է վերանայել Իսրայելի այն բնակիչներին ֆինանսական օգնություն տրամադրելու կարգը, որոնք կվերադառնան տարհանված համայնքներ։