Ադրբեջանն, Իրանը և Ռուսաստանը ստորագրել են փոխըմբռնման հուշագիր

Ադրբեջանական լրատվամիջոցների փոխանցմամբ՝ Ադրբեջանի, Իրանի և Ռուսաստանի միջև ստորագրվել է փոխըմբռնման հուշագիր, որը կարևորվում է երկարաժամկետ եռակողմ համագործակցության զարգացման և Հյուսիս-Հարավ երթուղու արևմտյան հատվածի արդյունավետության բարձրացման համար։

Փաստաթուղթը նախատեսում է սակագնային մոտեցումների ներդաշնակեցում, միասնական համապարփակ սակագնի ձևավորում, կանոնավոր բլոկային գնացքների գործարկում և տրանսպորտային ընթացակարգերի կատարելագործում։

Նշված մեխանիզմների ներդրումը, ըստ հրապարակման, կստեղծի ավելի կանխատեսելի, արագ և ծախսարդյունավետ լոգիստիկ շղթա Ռուսաստանի, Ադրբեջանի և Իրանի միջև։ Ընդհանուր առմամբ, համաձայնագիրը ամրապնդում է կողմերի դիրքերը միջազգային տրանսպորտային միջանցքներում և ստեղծում պայմաններ տարածաշրջանի տարանցիկ հոսքերի կայուն աճի համար։