Վանեցյանն ավելի լավ վարչապետ կլինի, քան Փաշինյանը․ Աշոտյան
Գաղտնալսումից հասկացա, որ ԱԱԾ ղեկավարը շատ ավելի պետականամետ մոտեցում ունի և ավելի լավ վարչապետ կլինի, քան Նիկոլ Փաշինյանը: Այս մասին լրագրողների հետ զրույցում ասաց ՀՀԿ փոխնախագահ, պատգամավորի թեկնածու Արմեն Աշոտյանը՝անդրադառնալով նախօրեին գաղտնալսման ձայնագրության 2-րդ մասի հրապարակմանը։ Աշոտյանը խոսքով՝ դա ներկայիս իշխանություններին զրկեց այն թեզից, որ ՀՀ-ում չկա քաղաքական կոռուպցիա, և դատարաններն անկախ են։ «Ամենացավալին այն է, որ երկրի ղեկավարումը ստանձնած անձնավորությունը, անտեսելով ՀՀ ներքին և արտաքին մարտահրավերները, արձակուրդ է վերցրել և այլևս պետական կառավարման խնդիրներով չի զբաղվում։ Սա նշանակում է, որ քաղաքական ղեկը լինելու է մի քաղաքական խմբավորման ձեռքում, որը գերադասում է սեփական քաղաքական նեղ շահը պետական շահից»,- ասաց Արմեն Աշոտյանը։

Քաղաքականություն

Պատահարներ