ԱՄՆ-ի խաղաղության ծրագրի որոշ դրույթներ ընդունելի են Ռուսաստանի համար. Յուրի Ուշակով

Ռուսաստանի նախագահի միջազգային հարցերով օգնական Յուրի Ուշակովը հայտարարել է, որ Մոսկվան ծանոթացել է ԱՄՆ-ի առաջարկած խաղաղության ծրագրերից մեկին, բայց որևէ կոնկրետ բանակցություն այդ թեմայով չի անցկացվել։ Նրա խոսքով՝ Ալյասկայում քննարկված ծրագրի մի շարք դրույթներ ընդունելի են Ռուսաստանի համար։

Ուշակովը հայտնել է, որ ԱՄՆ-ը կարող է մոտ ապագայում կապ հաստատել Ռուսաստանի հետ՝ խաղաղության ծրագրի մանրամասները անձամբ քննարկելու համար, սակայն այս փուլում որևէ համաձայնություն չկա։

Նա նշել է, որ Ուկրաինայի համար առաջարկվող խաղաղության ծրագրի շուրջ շատ ենթադրություններ են շրջանառվում, և Ռուսաստանը վստահում է միայն ԱՄՆ-ից անմիջականորեն ստացվող տեղեկատվությանը։