Վանեցյանի «Հայրենիք» կուսակցությունը նախապատրաստվում է ընտրությունների. «Փաստ»

«Դեռևս հայտնի չեն արտահերթ ընտրությունների ժամկետները, ավելին՝ դեռևս պարզ էլ չէ՝ կանցկացվե՞ն այդ ընտրությունները, թե՞ ոչ: Սակայն ակնհայտ է, որ քաղաքական կուսակցությունները ամեն դեպքում նախապատրաստվում են և հետևողականորեն ուժեղացնում իրենց տարածքային կառույցները:

Թերթի տեղեկություններով, այս օրերին մարզերում ակտիվ կուսակցաշինությամբ է զբաղված մասնավորաբար Արթուր Վանեցյանի ղեկավարած «Հայրենիք» կուսակցությունը: Բավականին ինտենսիվ անդամագրումներին զուգահեռ՝ կուսակցության մարզային պատասխանատուները, ինչպես նաև պարբերաբար մարզեր այցելող՝ կուսակցության խորհրդի անդամները հանդիպումներ են ունենում բնակչության հետ:

Տեղերից մեր աղբյուրները փոխանցում են, որ հատկապես կուսակցության տարածքային գրասենյակների համար ընտրվում են հնարավորինս մեծ ու հարմարավետ տարածքները»: Այս մասին գրում է «Փաստ» օրաթերթը :