Սա հակառուսական ենթատեքստով քարոզչություն է. Զախարովան՝ Կիևի իշխանությունների մասին

Ռուսաստանի արտաքին գործերի նախարարության ներկայացուցիչ Մարիա Զախարովան նշել է, որ Ուկրաինայի կողմից կազմակերպված «սննդի գագաթնաժողովը» ներկայացվում է հակառուսական քարոզչության շրջանակում, իսկ դրա նպատակը Կիևի ռեժիմի կոռուպցիոն սխեմաները թաքցնելն է։ Այս մասին փոխանցում է «Ռիա Նովոստի»-ն:

Զախարովայի խոսքով՝ «սա զուտ հակառուսական ենթատեքստով քարոզչական ձևաչափ է»:

Նա հավելել է, որ Կիևի իրական գործողությունները, այդ թվում՝ «Ռուսաստանի սահմանային գյուղատնտեսական օբյեկտների վրա ցինիկ հարձակումները», ինչպես նաև «եվրոպացի հովանավորների քայլերը, որոնք խաթարում են ռուսական մատակարարումները, ներառյալ մարդասիրական օգնությունը, գյուղատնտեսական արտադրանքը և պարարտանյութերը», ցույց են տալիս, որ նրանք հետաքրքրված չեն աջակցելու կարիքավոր երկրներին։