Վենեսուելայի նախագահը առաջարկով դիմել է ԱՄՆ-ին
Վենեսուելայի նախագահ Նիկոլաս Մադուրոն առաջարկել է Միացյալ Նահանգներին հրաժարական տալ երկու-երեք տարվա անցումային շրջանի ընթացքում։ Նա այս գաղափարը ներկայացրել է ոչ պաշտոնական բանակցությունների ժամանակ, հաղորդում է The New York Times-ը՝ հղում անելով աղբյուրներին։
Սպիտակ տունը մերժել է նրա առաջարկը և պահանջել նրա անհապաղ հրաժարականը։
Անցած շաբաթ ԱՄՆ նախագահ Դոնալդ Թրամփը Սպիտակ տանը երկու հանդիպում է ունեցել ավագ խորհրդականների հետ՝ Վենեսուելայում ստեղծված իրավիճակը և հնարավոր տարբերակները քննարկելու համար։
Թրամփը հրամայել է Կենտրոնական հետախուզական վարչությանը պատրաստել Վենեսուելայի տարածքում մի քանի գաղտնի գործողությունների ծրագրեր, ինչպես նաև գաղտնի բանակցություններ է սկսել Վենեսուելայի կառավարության հետ, որոնք կասեցվել էին անցյալ ամիս։
