Ռուսաստանը հայտնում է 65 ուկրաինական ԱԹՍ-ի խոցման մասին. իրավիճակը՝ երկրում
Ռուսաստանի պաշտպանության նախարարությունը հայտնում է, որ անցած գիշեր երկրի ՀՕՊ համակարգերը տարբեր շրջաններում, ինչպես նաև Սև և Ազովի ծովերի երկնքում որսացել և ոչնչացրել են ուկրաինական 65 անօդաչու թռչող սարք։
Նախարարության տվյալներով՝ հարձակումները գրանցվել են նոյեմբերի 18-ին ժամը 23:00-ից մինչև նոյեմբերի 19-ի ժամը 7:00-ն՝ ըստ Մոսկվայի ժամանակով։ Այս ընթացքում Սև ծովի, Վորոնեժի մարզի և Կրասնոդարի երկրամասի օդային տարածքում խոցվել է 16 ԱԹՍ։ Բելգորոդի մարզում ոչնչացվել է 11 անօդաչու, Ազովի ծովի տարածքում՝ ինը, իսկ մեկ ԱԹՍ՝ Բրյանսկի մարզում։
Անօդաչուների հարձակումները Ռուսաստանի շրջանների վրա ակտիվացել են 2022 թվականից՝ Ուկրաինայում Ռուսաստանի հատուկ ռազմական գործողության ֆոնին։ Թեև Կիևը պաշտոնապես չի ընդունում իր մասնակցությունն այս հարձակումներին, 2023 թվականի օգոստոսին Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը հայտարարել էր, որ Ռուսաստանի դեմ անօդաչու սարքերի հարվածների թիվը «կմեծանա»։
