Արցախի ՊՆ–ն հաղորդագրություն է տարածել

Արցախի պաշտպանության նախարարությունը տարածել է հաղորդագրություն՝ անդրադառնալով ադրբեջանական ռազմաքաղաքական գերատեսչության հերթական ապատեղեկատվությանը:
 

«Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները սեպտեմբերի 11-ին` ժամը 01:00-ի սահմաններում ամրաշինական աշխատանքներ են կատարել Ասկերանի շրջանում, որոնք իբր թե կասեցվել են ադրբեջանական ԶՈւ գործողությունների արդյունքում, հերթական ապատեղեկատվությունն է»,– նշվում է Արցախի ՊԲ հաղորդագրության մեջ:

Արցախի պաշտպանության նախարարությունը նկատում է, որ «ակնհայտ է, որ ադրբեջանական կողմը չի հրաժարվում հերթական խոշոր սադրանքն իրագործելու ծրագրից և իրականացնում է դրա տեղեկատվական նախապատրաստություն»։