Հայաստանի և Ադրբեջանի միջև հակամարտությnւնը նոր փուլ է մտել. Թուրքիայի Ազգային մեծ ժողովի նախագահ
Թուրքիայի Ազգային մեծ ժողովի նախագահ Նուման Քուրթուլմուշը ԵԱՀԿ խորհրդարանական վեհաժողովի 23-րդ աշնանային լիագումար նստաշրջանում անդրադարձել է Հայաստանի և Ադրբեջանի միջև խաղաղության գործընթացին և նշել է, որ այն մտել է նոր փուլ:
«30 տարի Կովկասում անկայունության աղբյուր հանդիսացող Հայաստանի և Ադրբեջանի միջև հակամարտությունը նոր փուլ է մտել՝ Ղարաբաղի «օկուպացիայի» վերացմամբ։ Ադրբեջանն ու Հայաստանը սկսել են լուծել իրենց առկա խնդիրները բանակցությունների միջոցով՝ ճիշտ այնպես, ինչպես նախատեսված է ԵԱՀԿ-ի հիմնական առաքելությամբ»։
Նա հույս է հայտնել, որ երկու երկրների միջև երկարատև համաձայնագրի հասնելու դեպքում Կովկասը և իրենց տարածաշրջանը կվերականգնեն խաղաղության զգացումը:
