Ֆուտբոլը պետք է սկսվի բակերից. Ավինյան
Երևանի քաղաքապետ Տիգրան Ավինյանը կարևորել է մայրաքաղաքի բակերում ֆուտբոլի դաշտերի կառուցումը:
«Բոլորս տեսանք Հայաստանի ֆուտբոլի հավաքականի ցավալի պարտությունը Պորտուգալիայի հավաքականից: Ես վստահ եմ, որ մեր ֆուտբոլը առհասարակ, նույնիսկ պրոֆեսիոնալ ֆուտբոլը պետք է սկսի բակերից: Եվ բազմաթիվ ֆուտբոլի դաշտերը, որ կառուցվել ու կառուցվում են Երևանում, վստահորեն իրենց արդյունքը տալու են ապագայում: Խնդրում եմ՝ պահպանել ֆուտբոլի դաշտեր կառուցելու վրա շեշտը, քանակապես որևէ դեպքում չնվազեցնել, որովհետև ամեն բակում կառուցված ֆուտբոլի դաշտ պոտենցիալ մեր հավաքականի նոր ֆուտբոլիստի ապագան է»,- ասել է նա:
