Ստոլտենբերգն ասել է՝ ինչպես ՆԱՏՕ-ն արևմտյան զենքով ՌԴ-ին հարվածելու որոշում կկայացնի

ՆԱՏՕ-ի անդամ երկրները պետք է ինքնուրույն, այլ ոչ թե հավաքականորեն որոշումներ կայացնեն Ուկրաինային ՌԴ-ի տարածքին հարվածելու համար իրենց զենքն օգտագործելու իրավունք տալու մասին։ Այս մասին հայտարարել Է Հյուսիսատլանտյան դաշինքի գլխավոր քարտուղար Յենս Ստոլտենբերգը, փոխանցում է ՏԱՍՍ-ը։

Կազմակերպության ղեկավարը մայիսի 28-ին ժամանել է Բրյուսելում Եվրամիության անդամ պետությունների պաշտպանության նախարարների նիստին: Միջոցառման մեկնարկից առաջ նա շփվել է լրագրողների հետ, այդ թվում՝ պատասխանելով արևմտյան սպառազինությունների օգնությամբ ՌԴ-ին Ուկրաինայի հարվածների մասին հարցերին:

«Դրանք ազգային որոշումներ են, այլ ոչ թե ՆԱՏՕ-ի մակարդակով որոշումներ», - ընդգծել Է Ստոլտենբերգը՝ խոսելով Ռուսաստանի տարածքում օբյեկտների վրա հարձակումների համար արեւմտյան զենքի կիրառման սահմանափակումների վերացման մասին:

Նրա խոսքով՝ Հյուսիսատլանտյան դաշինքի անդամ երկրների համապատասխան որոշումները չպետք է հանգեցնեն ՌԴ-ի հետ հակամարտության մեջ նրա ներգրավմանը: Միևնույն ժամանակ կազմակերպության գլխավոր քարտուղարն ընդգծել է, որ ՆԱՏՕ-ն չի ծրագրում իր զորքերն ուղարկել մարտի դաշտ և դառնալ մարտական գործողությունների անմիջական մասնակիցը:

Մինչ այդ ԵՄ արտաքին գործերի և անվտանգության քաղաքականության հարցերով գերագույն ներկայացուցիչ Ժոզեպ Բորելը հայտարարել էր, որ տարածաշրջանային համագործակցության մասնակից պետությունների պաշտպանության նախարարների նիստում քննարկման հիմնական թեմաներից մեկը կդառնա Ուկրաինային ՌԴ — ին հարվածելու համար նրանց զենքի օգտագործման արգելքի վերացումը: Այդ թվում՝ հանդիպման մասնակիցները կբարձրացնեն հակամարտության սրման ռիսկի հարցը։