Իրանից մանրամասներ են նշել Հանիայի մահվան մասին և խոստացել վրեժ լուծել
Իսլամական հեղափոխության պահապանների կորպուսը (ԻՀՊԿ) հայտնել է, որ պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիան սպանվել է մոտ 7 կգ քաշով մարտագլխիկով փոքր հեռահարության արկի կրակոցից: ԻՀՊԿ հայտարարությունը մեջբերում է IRNA գործակալությունը։
Իրանի Իսլամական հեղափոխության պահապանների կորպուսը նաև հայտարարել է, որ «ճիշտ ժամանակին և տեղում» վրեժ կլուծի ՀԱՄԱՍ-ի քաղբյուրոյի ղեկավարի մահվան համար՝ «խիստ պատժով»: Հայտարարության մեջ նշվում է նաև, որ Հանիեի սպանությունը ծրագրել և իրականացրել է Իսրայելը՝ ԱՄՆ աջակցությամբ։
