Թուրքիայում պահանջում են փակել Մեծամորի ատոմակայանը
Թուրքիայի սահմանամերձ Իգդիր նահանգի (Արևելյան Անատոլիայի) բնակիչները մտահոգություն են հայտնում տարածաշրջանում տարածված քաղցկեղային և այլ հիվանդությունների աճի կապակցությամբ՝ նշելով, որ հիմնական պատճառը Մեծամորի ատոմակայանի ազդեցությունն է։ Տեղացիների խոսքով՝ հատկապես երեխաների և դեռահասների շրջանում հիվանդությունների դեպքերը վերջին տարիներին զգալիորեն ավելացել են։
Կարակոյունլու շրջանի նախկին ղեկավար Զիա Ալի Դելիքթաշը հայտարարել է, որ Մեծամորի ատոմակայանի փակումը կհամարվի կարևոր քայլ տարածաշրջանի համար։ Նա հիշեցրել է, որ կայանը գտնվում է բարձր սեյսմիկ վտանգ ունեցող գոտում, իսկ 1988 թվականի երկրաշարժերից հետո լայնածավալ ռադիացիոն ստուգումներ չեն իրականացվել։
Հավելենք՝ Թուրքիայում Մեծամորի ԱԷԿ-ի թեման պարբերաբար բարձրացվում է պետական մակարդակով․ 2023-ի հոկտեմբերին երկրի խորհրդարանում քննարկվել են քաղաքացիների պահանջները՝ փակել կայանը, իսկ առողջապահության նախարարությունը բնակչությանը բաշխել է յոդային պատրաստուկներ։ Թուրքական ԱԳՆ-ն և ՄԱԳԱՏԷ-ի ներկայացուցիչները հիշեցնում են, որ ԱԷԿ-ի տեխնիկական չափանիշները չեն համապատասխանում միջազգային և ԵՄ անվտանգության պահանջներին։
