Իրանը՝ ԱՄՆ նախագահի հայտարարությունը կօգտագործի դատարանում․ Էսմայիլ Բաղաի

Իրանի արտաքին գործերի նախարարության պաշտոնական ներկայացուցիչ Էսմայիլ Բաղաին հայտարարել է, որ ԱՄՆ նախագահի խոստովանությունը՝ կապված Իրանի դեմ Սիոնիստական ռեժիմի պատերազմը ղեկավարելու հարցում, կօգտագործվի որպես ապացույց միջազգային դատարանում։

Նրա խոսքով՝ այս հայտարարությունը վկայում է, որ Վաշինգտոնը մասնակցել  է այնպիսի գործողությունների, որոնք Թեհրանը որակել է որպես ագրեսիա Իրանի դեմ։

Բաղաին ընդգծել է, որ Իրանը դիտարկում է իրավական բոլոր մեխանիզմները՝ ԱՄՆ-ի և նրա դաշնակիցներին պատասխանատվության ենթարկելու համար։ Պաշտոնյան նշել է, որ նման հայտարարությունները բացահայտում են ԱՄՆ-ի անմիջական մասնակցությունը տարածաշրջանում ստեղծված լարվածության մեջ։

Ըստ Իրանի արտաքին քաղաքական գերատեսչության, Թեհրանը շարունակելու է պաշտպանել իր իրավունքներն ու շահերը միջազգային հարթակներում՝ հիմնվելով միջազգային իրավունքի սկզբունքների վրա։