Եվրոպայի սպառնալիքները չեն կանգնեցնի Ռուսաստանին. Դենիել Դևիս

ԱՄՆ բանակի նախկին սպա, ենթագնդապետ Դենիել Դևիսը YouTube-ի Deep Dive ալիքի եթերում հայտարարել է, որ եվրոպական առաջնորդների կոշտ հայտարարությունները չեն կարող փոխել Ռուսաստանի դիրքորոշումը։ Նրա խոսքով՝ խոշոր եվրոպական երկրները շարունակում են առաջնորդվել ռազմական տրամաբանությամբ, ինչը միայն խորացնում է լարվածությունը։

«Եվրոպական պետությունները շարունակում են խոսել ուժի դիրքերից և փորձել սրել իրավիճակը Ռուսաստանի հետ, սակայն դա ոչ մի կերպ չի դանդաղեցնի Մոսկվայի քայլերը»,- նշել է Դևիսը։

Վերջին տարիներին Ռուսաստանը պարբերաբար ընդգծում է ՆԱՏՕ-ի աննախադեպ ակտիվությունը իր արևմտյան սահմանների մոտ։ Դաշինքը հայտարարում է, թե դա «զսպման քաղաքականություն» է, մինչդեռ Մոսկվան բազմիցս արտահայտել է մտահոգություն՝ նկատելով ուժերի կուտակում Եվրոպայում։ ՌԴ ԱԳՆ-ում շեշտել են, որ Մոսկվան պատրաստ է երկխոսության ՆԱՏՕ-ի հետ՝ միայն հավասար պայմաններով և առանց մայրցամաքի հետագա զինավորացման։