Զելենսկին Շառլ Միշելի հետ քննարկել է պատժամիջոցների հարցերը

Ուկրաինայի նախագահ Վլադիմիր Զելենսկին Եվրոպական խորհրդի նախագահ Շառլ Միշելի հետ քննարկել է անվտանգության մարտահրավերներին համատեղ հակազդեցությունն ու պատժամիջոցների հարցերը: Այս մասին Ուկրաինայի առաջնորդը գրել է Twitter-ում։

«Քննարկել են վերջին միջազգային բանակցությունները, խաղաղ գործընթացի ակտիվացումը N4 (նորմանդական քառյակի-խմբ.) շրջանակներում։ Հավատարիմ ենք հակամարտության դիվանագիտական կարգավորմանը։ Շնորհակալ եմ մակրոֆինանսական աջակցության համար», – գրել է Զելենսկին ։

Նա նաև կարևորել է, որ ԵՄ անդամ երկրների դեսպանատները շարունակում են աշխատել Ուկրաինայում։

«Մտքեր են փոխանակել Շառլ Միշելի հետ Բեռլինում նորմանդական քառյակի առաջնորդների խորհրդականների հանդիպման, ապագա դիվանագիտական ջանքերի և պատժամիջոցների շուրջ։ Այսօր մեզ համար ամենամեծ թշնամին խուճապն է։ ԵՄ-ի կողմից աջակցության կարևոր ազդանշանն այն է, որ եվրոպական երկրների դեսպանատները շարունակում են աշխատել Ուկրաինայում», – Instagram-ում գրել է Զելենսկին։

Հիշեցնենք, որ շաբաթ օրը՝ փետրվարի 12-ին, Զելենսկին հեռախոսազրույց է ունեցել Ֆրանսիայի նախագահ Էմանուել Մակրոնի և Կանադայի վարչապետ Ջասթին Թրյուդոյի հետ: