Հզոր պայթյուն՝ ԱՄՆ-ում, վտանգավոր նյութերի արտահոսք. կան տուժածներ
ԱՄՆ Միսիսիպի նահանգում գտնվող քիմիական գործարանում տեղի ունեցած հզոր պայթյունը հանգեցրել է վտանգավոր նյութերի արտահոսքի։
Գործարանը արտադրում է ջրածին և ազոտային միացություններ, այդ թվում՝ ամոնիակ, որը համարվում է բարձր թունավոր նյութ։
Իշխանությունների տվյալներով՝ պայթյունից հետո մասնակիորեն տուժած բնակիչները տեղահանվել են, իսկ մյուսներին հորդորել են մնալ իրենց տներում՝ փակելով դռներն ու պատուհանները՝ օդի միջոցով տարածվող նյութերից պաշտպանվելու նպատակով։
Ամերիկյան Կարմիր Խաչը բացել է ընդունման կենտրոն՝ ապահովելու համար անվտանգ միջավայր այն մարդկանց համար, ովքեր չեն կարող մնալ իրենց տներում կամ կարիք ունեն օգնության։
