Ռուսաստանի միջուկային եռյակը թարմացվել է. Պեսկով
Ռուսաստանի միջուկային եռյակը թարմացվել է, հայտարարել է ՌԴ նախագահի մամուլի քարտուղար Դմիտրի Պեսկովը։
«Դուք գիտեք, որ մեր միջուկային եռյակը թարմացվել է։ Դա, ըստ էության, աշխարհի ամենանոր միջուկային եռյակն է։ Մեր անվտանգությունը հուսալիորեն ապահովելու համար կատարվել է լայնածավալ աշխատանք»,- լրագրողներին ասել է Պեսկովը։
Նրա խոսքով՝ Ռուսաստանի նախագահ Վլադիմիր Պուտինի դիրքորոշումը բացարձակապես պարզ է. Ռուսաստանը հավատարիմ է Միջուկային փորձարկումների համապարփակ արգելման մասին պայմանագրով (CTBT) ստանձնած իր պարտավորություններին։
Անդրադառնալով Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև հեռախոսազրույցին՝ Պեսկովը նշել է, որ այս պահին նախատեսված չէ, բայց այն կարող է արագ կազմակերպվել՝ հարկ եղած դեպքում։
