Ես չեմ տեսնում խաղաղություն. Սերժ Սարգսյան
ՀՀ երրորդ նախագահ Սերժ Սարգսյանը այսօր՝ նոյեմբերի 5-ին, Հակակոռուպցիոն դատարանի դիմաց լրագրողների հետ զրույցում հայտարարեց, որ խաղաղություն չի տեսնում։
«Ես չեմ տեսնում խաղաղություն, ուղղակի չեմ տեսնում»,– ասաց Սարգսյանը՝ արձագանքելով դիտարկմանը, թե Ադրբեջանով ցորեն է հասնում Հայաստան, և խոսվում է խաղաղության մասին։
Այսօր Հակակոռուպցիոն դատարանում նախատեսված է Սարգսյանի գործով դատական նիստը, որը նախապես ծրագրված չէր։ Լրագրողների հարցին, թե արդյոք նիստի ընթացքում կարող է ընտրվել նոր խափանման միջոց՝ հաշվի առնելով, որ երկու գործով վերացվել է նրա նկատմամբ կիրառված բացակայելու արգելքը, Սարգսյանը պատասխանեց․
«Ամենայն հավանականությամբ, նիստը կլինի, կտեսնենք»։
