«Փողոցում մոտենում են ու աջակցություն հայտնում». Արման Աբովյանը՝ Ծառուկյանի շուրջ իրավիճակի մասին

Նախկին պատգամավոր Արման Աբովյանը անդրադարձել է Գագիկ Ծառուկյանի շուրջ ստեղծված իրավիճակին՝ շնորհակալություն հայտնել Ծառուկյանին աջակցություն հայտնող քաղաքացիներին։

Աբովյանը նշել է, որ վերջին օրերին բազմաթիվ ծանոթ և անծանոթ մարդիկ իրենց աջակցությունն են հայտնել Ծառուկյանին։

«Փողոցում ինձ են մոտենում բազմաթիվ անծանոթ մարդիկ, սեղմում ձեռքս և աջակցություն հայտնում»,- գրել է նա։

Նախկին պատգամավորը քննադատել է իշխանությունների գործողությունները՝ նշելով, որ դրանց հետևանքով ստեղծվել է ոչ թե վախի, այլ համախմբման մթնոլորտ։

«Փաշինյանն ու նրա ուժայինները այդպես էլ չհասկացան, որ ստեղծել են այնպիսի մթնոլորտ, որը վախի փոխարեն սկսել է ծնել հայերի համախմբում»,- գրել է Աբովյանը։

Նա նաև նշել է, որ չի ցանկանում անդրադառնալ Փաշինայնին աջակցող քաղաքացիներին։

Գրառման վերջում Աբովյանը շնորհակալություն է հայտնել քաղաքացիներին՝ գրելով. «ՇՆՈՐՀԱԿԱԼՈՒԹՅՈՒՆ, ԺՈՂՈՎՈՒՐԴ, ՁԵՐ ՑԱՎԸ ՏԱՆԵՄ»։