Վարորդներին սպառնում է տուգանք՝ ՆԳՆ-ն նախազգուշացնում է
ՆԳՆ ոստիկանությունը հիշեցնում է, օտարերկրյա վարորդական վկայականով, այդ թվում երկքաղաքացիություն ունեցողները, կարող են վարել տրանսպորտային միջոց միայն մինչև երեք ամիս:
Ըստ հաղորդագրության՝ օգոստոսի 2-ից ուժի մեջ մտած օրենսդրական փոփոխությամբ նախատեսվել էր արտոնություն՝ ՀՀ մուտք գործելու պահից սկսած երեք ամսվա ընթացքում օտարերկրյա վարորդական վկայականով մեքենա վարելու համար։ Նոյեմբերի 2-ին լրացել է այդ արտոնության հերթական եռամսյա ժամկետը։
Այն անձինք, ովքեր երեք ամսից ավելի շարունակ վարում են տրանսպորտային միջոց օտարերկրյա վարորդական վկայականով, կենթարկվեն վարչական պատասխանատվության՝ 10 000 դրամ տուգանքի ձևով։
ՆԳՆ-ից միաժամանակ հորդորում են այն քաղաքացիներին, որոնց եռամսյա ժամկետը դեռ չի լրացել, իրենց հետ ունենալ նաև այն փաստաթուղթը, որով մուտք են գործել Հայաստան՝ ժամկետի հաշվարկը հստակեցնելու նպատակով։
