Թրամփը սպառնում է կրճատել Նյու Յորքի ֆինանսավորումը

ԱՄՆ նախագահ Դոնալդ Թրամփը իր սոցիալական ցանցի էջում գրառում է կատարել՝ անդրադառնալով Նյու Յորքի քաղաքապետի առաջիկա ընտրություններին։ Նախագահը զգուշացրել է, որ թեկնածու Զոհրան Մամդանիի հնարավոր հաղթանակը կարող է «դարձնել քաղաքը տնտեսական և սոցիալական աղետի գոտի»։

«Նախընտրում եք Էնդրյու Կուոմոին, թե ոչ, իրականում այլ տարբերակ չունեք։ Պետք է քվեարկեք նրա օգտին և հուսաք, որ նա կկարողանա լավ կատարել իր աշխատանքը։ Եթե կոմունիստը (Մամդանին) լինի ղեկին, ամեն ինչ միայն կվատանա։ Ես որպես նախագահ չեմ պատրաստվում վատ փողեր գցել հետո լավերի վրա։ Դա իմ պարտականությունն է՝ կառավարել երկիրը, և ես համոզված եմ, որ Նյու Յորքը կդառնա տնտեսական և սոցիալական լիակատար աղետ, եթե Մամդանին ընտրվի»,- գրել է Թրամփը։

Թրամփի այս հայտարարությունը լայն արձագանք է գտել ԱՄՆ քաղաքական շրջանակներում։ Որոշ վերլուծաբանների կարծիքով՝ նախագահը փորձում է ազդել Նյու Յորքի ընտրությունների ելքի վրա՝ բացահայտորեն աջակցելով Կուոմոյին։