10:00 Լուրերը մեկ տողով. Ուրսուլա ֆոն դեր Լայենի ուշագրավ այցը, Թրամփի ընտանիքը միլիարդներ է դիզում

Անցած ժամվա լուրերը՝ հակիրճ և բովանդակային. 

. ՀՀ Ազգային ժողովի կուլիսներում ակտիվորեն քննարկվում է Ռուբեն Ռուբինյանի թեկնածությունը խորհրդարանի նախագահի պաշտոնում, որի միջազգային կապերն ու հաշվեկշռված մոտեցումները դրական են ընկալվում իշխող թիմում

. Եվրահանձնաժողովի նախագահ Ուրսուլա ֆոն դեր Լայենի՝ Հայաստան սպասվող այցը իշխանական որոշ շրջանակներում մտահոգություններ է առաջացրել Ռուսաստանի կողմից հնարավոր նոր տնտեսական պատժամիջոցների հեռանկարի պատճառով:

. Ադրբեջանը օրեցօր մեծացնում է ճնշումը Հայաստանի վրա՝ խաղաղության պայմանագրի քողի տակ կորզելով նոր տարածքային ու սահմանադրական զիջումներ և միջազգային հարթակներում առաջ մղելով վերաբնակեցման իր ծրագրերը:

. Եվրամիությունում հուլիսի 1-ից ժամանակավոր մաքսատուրք է սահմանվում երրորդ երկրներից, հատկապես Չինաստանից առաքվող մինչև 150 եվրո արժողությամբ փոքր ծանրոցների յուրաքանչյուր ապրանքատեսակի համար:

. Ֆինլանդիայում ուժի մեջ են մտել միջուկային զենքի ներմուծման և պահպանման արգելքը վերացնող օրենսդրական փոփոխությունները, ինչը Ռուսաստանի ԱԳՆ-ն որակել է որպես իրական սպառնալիք սեփական անվտանգությանը

. ԱՄՆ նախագահ Դոնալդ Թրամփի ընտանիքը Սպիտակ տուն վերադառնալուց հետո կրիպտոարժութային նախագծերից վաստակել է ավելի քան 2,3 միլիարդ դոլար, որից 1,4 միլիարդը՝ միայն անցյալ տարի:

. Սպիտակ տունը հայտարարել է Իրանի դեմ պատերազմի վրա ծախսված 30 միլիարդ դոլարի մասին, մինչդեռ անկախ փորձագիտական աղբյուրները Պենտագոնի տվյալներով ծախսերը գնահատում են արդեն անցած 100 միլիարդ դոլար:

. Տոկիոն, Կոպենհագենը և Լիսաբոնը ճանաչվել են կյանքի համար աշխարհի ամենահարմարավետ քաղաքները՝ ըստ «Մոնոքլ» ամսագրի 2026 թվականի կյանքի որակի վարկանիշային աղյուսակի: