Ուկրաինային մատակարարումների պատճառով Գերմանիային մնացել է 155 մմ տրամաչափի ընդամենը 20 հազար արկ
Գերմանիան, ընդհանուր դեֆիցիտի և Ուկրաինային շարունակվող մատակարարումների պատճառով, ունի 155 մմ տրամաչափի ընդամենը մոտ 20,000 հրանոթ, թեև դաշինքի պահանջների համաձայն, մինչև 2031 թվականը Բունդեսվերի պաշարներում պետք է կուտակվի 230,000 միավոր, գրում է Spiegel-ը։
Այդ կապակցությամբ գերմանական իշխանությունները մտադիր են մոտ ապագայում պատրաստել ինը պայմանագիր՝ զինամթերքի պակասը լրացնելու համար։
Նշենք, որ ՆԱՏՕ-ի 155 մմ տրամաչափի արկերը ակտիվորեն օգտագործվում են Ուկրաինայի զինված ուժերի կողմից։
Այսօր ավելի վաղ Յենս Ստոլտենբերգը, ելույթ ունենալով Բեռլինում կայացած տնտեսական համաժողովում, ասել էր, որ ՆԱՏՕ-ի պահեստները դատարկ են: Նա ընդգծել էր, որ Արևմուտքին ավելի հզոր ռազմական արդյունաբերություն է անհրաժեշտ։
