Հայաստանում ընտանեկան բռնության դեպքերը աճել են. Արփինե Սարգսյան
Հայաստանում 2024 թվականի նույն ժամանակահատվածի համեմատ այս տարվա 9 ամսում ընտանեկան բռնության դեպքերը աճել են 442-ով։ Այս մասին ԱԺ–ում հայտնել է Ներքին գործերի նախարար Արփինե Սարգսյանը։
Նախարարի խոսքով՝ ընտանեկան բռնության վերաբերյալ 2117 հաղորդում է արձանագրվել, մինչդեռ 2024 թվականին դրանք 1675-ն էին։
«Նախազգուշացում է տրվել 499 դեպքով, այս պարագայում նույնպես աճ է գրանցվել։ Անհետաձգելի միջամտության որոշում է կայացվել 1405 դեպքով, իսկ նախորդ տարի դրանք 907-ն էին։ Բռնարարների նկատմամբ կազմվել է 1619 հաշվառման քարտ, նախորդ տարվա 1128-ի փոխարեն»,- նշել է Սարգսյանը։
