Ադրբեջանցիներն օկուպացված Շուշիում մայիսի 9-ից եռօրյա փառատոն կանցկացնեն

Ադրբեջանցիներն Արցախի օկուպացված Շուշի քաղաքում երաժշտական փառատոն են անցկացնելու։ Այս մասին տեղեկանում ենք ադրբեջանական լրատվամիջոցներից։ Փառատոնը տևելու է 3 օր՝ մայիսի 9-ից 11-ը։
 

Նշվում է, որ եռօրյա փառատոնը կներառի համերգային ծրագրեր, ցուցահանդեսներ և տարբեր շնորհանդեսներ, իսկ միջոցառմանը մասնակցելու են թուրքալեզու երկրները։

Հատկանշական է, որ փառատոնը նշվում է մայիսի 9-ին, այն օրը, երբ Հայաստանը տոնում է եռատոնը՝ Հայրենական մեծ պատերազմում հաղթանակը, Շուշիի ազատագրման և Արցախի պաշտպանության բանակի ստեղծման տարեդարձը: