ՀԱՄԱՍ-ը քննարկում է ծանր զինատեսակների հանձնման տարբերակը
Գազայի շուրջ ընթացող բանակցություններում կարևոր դեր ունեցող ամերիկացի միջնորդ Բիշար Բահբահը հայտնել է՝ ՀԱՄԱՍ շարժումը բաց է ծանր զինատեսակները հանձնելու տարբերակը քննարկելու համար։
«ՀԱՄԱՍ-ը պատրաստակամություն է հայտնել քննարկելու ծանր զինատեսակները հանձնելու հնարավորությունը և բաց է նման ձևաչափի համար»,- ասել է նա:
Նրա խոսքով՝ Վաշինգտոնը դրական է արձագանքել նման նախաձեռնությանը։ ԱՄՆ վարչակազմը հայտնել է իր պատրաստակամությունը աջակցել ձևաչափին, եթե այն կնպաստի Գազայի իրավիճակի կայունացմանը և խաղաղ գործընթացի առաջընթացին։
