Երևանում հայտնաբերել են 2 ամսական երեխայի մահացած մարմին
Նոյեմբերի 3-ին ողբերգական դեպք է գրանցվել Երևանում․ շտապօգնության բժիշկները հայտնաբերել են 2 ամսական երեխայի մահացած մարմին։
Ժամը 15:50-ի սահմաններում Երևանի 103 շտապօգնության ծառայությունը ահազանգել է ՀՀ ՆԳՆ ոստիկանության Շենգավիթի բաժին՝ տեղեկացնելով, որ կանչով մեկնելով Շենգավիթ վարչական շրջանի հասցեներից մեկը՝ հայտնաբերել են երեխայի մարմին՝ «սրտի կանգ, կենսաբանական մահ» ախտորոշմամբ։
Տեղում պարզվել է, որ մահացածը Երևանի բնակիչ, 2 ամսական Ռոբերտ Ա.-ն է։ Դատաբժշկի նախնական եզրակացությամբ՝ դիակի վրա բռնության հետքեր չեն հայտնաբերվել։ Քննիչի որոշմամբ նշանակվել է դիակի դատաբժշկական փորձաքննություն։
Տեղեկատվությունը ավելի վաղ հայտնել էր Shamshyan.com-ը:
