Իրանի արտգործնախարարը առաջարկել է հանրաքվե անցկացնել՝ Պաղեստինի բնակիչների մասնակցությամբ
Իրանին ու Իսրայելին միավորում է միայն պատմական Պաղեստինի տարածքում երկու անկախ պետություններ ստեղծելու հնարավորության հանդեպ առկա թերահավատությունը։ Թեհրանն առաջարկում է ինքնորոշման հանրաքվե անցկացնել այդ տարածքների բնիկ բնակիչների ժառանգների շրջանում։
Այս մասին, ինչպես հաղորդում է ՌԻԱ Նովոստին, Դոհայում տեղի ունեցած ֆորումի ժամանակ հայտարարել է Իրանի արտգործնախարար Հոսեյն Ամիր Աբդոլլահիանը։
«Իսրայելն օկուպացիոն ռեժիմ է, ուստի հարկավոր է այդ տարածքի ինքնորոշման հանրաքվե անցկացնել 1948 թվականից առաջ Պաղեստինի սկզբնական բնակիչների և նրանց ժառանգների՝ մուսուլմանների, քրիստոնյաների և հրեաների մասնակցությամբ, որպեսզի նրանք որոշեն իրենց ապագան»,- ասել է նախարարը։
