Այս հիմար պատերազմը Բայդենին է, ոչ թե իմը. Թրամփ

ԱՄՆ նախագահ Դոնալդ Թրամփը CBS News-ին տված հարցազրույցում հայտարարել է, որ Ռուսաստանի և Ուկրաինայի միջև ընթացող պատերազմը Ջո Բայդենի պատերազմն է, ոչ թե իրենը։

«Ես ժառանգել եմ այս հիմար պատերազմը։ Այս պատերազմը երբեք չպետք է տեղի ունենար։ Այն չէր լինի, եթե ես նախագահ լինեի»,– նշել է Թրամփը։

Նրա խոսքով՝ ընտրությունները կեղծվել են, իսկ ձայները գողացվել, սակայն այժմ ինքը վերադարձել է՝ խնդիրը շտկելու համար։

Թրամփը հավելել է, որ իր նախագահության ընթացքում դադարեցրել է մի շարք պատերազմներ․ «Ես բերել եմ պատերազմների կարճ ցանկ, որոնք կանգնեցրել եմ՝ Կամբոջա և Թաիլանդ, Կոսովո և Սերբիա, Կոնգո և Ռուանդա, Պակիստան և Հնդկաստան, Իսրայել և Իրան, Եգիպտոս և Եթովպիա, Հայաստան և Ադրբեջան։ Եվ եթե մտածենք՝ նաև Իսրայելն ու ՀԱՄԱՍ-ը․ դա բարդ իրավիճակ է, բայց կլուծվի։ Ես կանգնեցրի ինը պատերազմից ութը»։