ԱՄՆ-ի խիստ նախազգուշացումը՝ Իրաքին

Ամերիկայի Միացյալ Նահանգները խիստ նախազգուշացում է հղել Իրաքին՝ կոչ անելով կանխել իր տարածքում գործող զինված խմբավորումների մասնակցությունը ԱՄՆ-ի՝ Իրաքի սահմաններին մոտ նախատեսվող ռազմական գործողություններին։

Իրաքի պաշտպանության նախարար Թաբետ ալ-Աբբասիի խոսքով՝ այս ուղերձը փոխանցվել է ԱՄՆ պաշտպանության նախարար Փիթ Հեգսեթի և իրաքյան կողմի միջև կայացած հեռախոսազրույցի ընթացքում։

Նրանց խոսակցությունը, ըստ աղբյուրների, եղել է լարված և ընդգծված է, որ Վաշինգտոնի այս ուղերձը կարելի է համարել «վերջին նախազգուշացումը» Բաղդադի համար։

ԱՄՆ կողմը պահանջել է, որ Իրաքը վերահսկի իր զինված խմբավորումների գործողությունները՝ կանխելու համար հնարավոր բախումները կամ միջամտությունը ԱՄՆ-ի օպերացիաներին։ Պաշտոնական Բաղդադը առայժմ չի հրապարակել պաշտոնական մեկնաբանություն այս հարցի շուրջ։