Կրասնոդարի օդանավակայանում սահմանափակվել է թռիչքային երթևեկությունը
Կրասնոդարի օդանավակայանում ժամանակավորապես սահմանափակվել են ինքնաթիռների ժամանման և մեկնման աշխատանքները։
Ինչպես հայտնում է «ՌԻԱ Նովոստի»-ն՝ հղում կատարելով «Ռոսավիացիա»-ին, սահմանափակումներն անհրաժեշտ են թռիչքների անվտանգությունն ապահովելու նպատակով։
Հայտարարության մեջ նշվում է, որ բոլոր միջոցառումները ձեռնարկվում են՝ բացառապես ավիատրանսպորտի ուղևորների և անձնակազմի անվտանգության նկատառումներով։
Նշենք, որ ռուսական մի շարք օդանավակայաններ վերջին ամիսներին պարբերաբար կիրառում են նմանատիպ ժամանակավոր սահմանափակումներ՝ տարբեր տեխնիկական կամ եղանակային պատճառներով։
