Գեղարքունիքի մարզպետը արձագանքել է իր պաշտոնանկության մասին լուրերին

Գեղարքունիքի մարզպետ Կարեն Սարգսյանը մեկնաբանել է իր հնարավոր պաշտոնանկության մասին շրջանառվող լուրերը՝ դրանք անվանելով անհիմն։ Լրագրողների հետ զրույցում նա նշել է, որ կառավարությունում մարզպետների փոփոխությունների հարց չի քննարկվել։

«Նման հարց չի քննարկվել օրակարգում։ Ամեն դեպքում, գոնե ես նման բանից տեղյակ չեմ»,– ասել է Սարգսյանը՝ հավելելով, որ շարունակում է իր աշխատանքը մարզում։

Նրա խոսքով՝ այս փուլում իր հիմնական ուշադրությունը կենտրոնացած է Գեղարքունիքի մարզում ընթացող ծրագրերի իրականացման վրա։