«Որքան ամուր է արձանագրվում ՀՀ տարածքային ամբողջականությունը, այնքան շառաչյուն է պետականաքանդների ոռնոցը». Կոնջորյան
«Քաղաքացիական պայմանագիր» խմբակցության ղեկավար Հայկ Կոնջորյանը Ֆեյսբուքի իր էջում գրել է․
«Գրանադայում այսօր ստորագրվել է քառակողմ հայտարարություն, որով ևս մեկ անգամ ճանաչվել է ՀՀ տարածքային ամբողջականությունը` 29 հազար 800 քառակուսի կմ: Սա կարևոր արձանագրում է, որը ևս մեկ անգամ հաստատվում է` ԵՄ, Ֆրանսիայի, Գերմանիայի բարձրագույն մակարդակով ստորագրությամբ:
Այժմ, Հայաստանում գործակալական ցանցի ծայրագավառական ոհմակը հերթական ոռնոցն է կապել` բայղուշության նոպաներով: Ամեն բան հստակ է` որքան ամուր են արձանագրվում ՀՀ ինքնիշխանությունն ու տարածքային ամբողջականությունը, այնքան շառաչյուն է հնչում պետականաքանդ ստորաքարշների ոռնոցը:
Հայաստանի Հանրապետությունը լինելու է անկախ և ինքնիշխան: Իսկ դուք մնալու եք պատմության մայթեզրին կանգնած` ձեր ստորաքարշ գոյությամբ հանդերձ: Կեցցե´ Հայաստանի Հանրապետությունը»։
