Ադրբեջանցի պատգամավորը մեջլիսում կոչ է արել միանալ Լաչինի միջանցքը փակած «ակտիվիստներին»

 Ադրբեջանը չի դադարում իրականացնել իր սադրիչ գործողությունները: Ադրբեջանի Միլլի մեջլիսի այսօրվա նիստում պատգամավոր Ռաշադ Մահմուդովը կոչ է արել միանալ Լաչինի միջանցքը փակած «ակցիայի» մասնակիցներին, գրում են ադրբեջանական լրատվամիջոցները: 

«Ես կարծում եմ, որ պատգամավորները պետք է լինեն ակցիայի մասնակիցների կողքին։ Դա նաև կարևոր քայլ կլիներ՝ աշխարհին ուղերձ հղելու համար»,- ասել է նա:

Սա ևս մեկ անգամ ապացուցում է, որ սադրանքը հրահրված է պետական մակարդակով և, անկախ միջազգային ճնշման, նրանք փորձում են առաջ տանել իրենց օրակարգը: